![](/crop.img?src=res/images/images/sascrafo.jpg&crop=1.3440:1&dimension=250x186)
თბილისში, ცხვედაძის ქუჩაზე მისული სასწრაფო-სამედიცინო დახმარების ბრიგადის მძღოლი ხუთმა ნასვამმა მოქალაქემ სცემა.
როგორც „ინფო 9“-ს სასწრაფო დახმარების პრესსამსახურის ხელმძღვანელმა ნათია გედენიძემ განუცხადა, ექიმების ბრიგადა ცხვედაძის ქუჩაზე ფეხის ტრავმის გამო გამოიძახეს.
მისამართზე მისულ მედიკოსებს 5 ნასვამი მოქალაქე დახვდა, რომლებმაც ექიმებს სიტყვიერი შეურაცხყოფა მიაყენეს, ხოლო მანქანის მძღოლი სცემეს.
„ექიმებს აგინეს, ხოლო მძღოლი ე.წ. „ლეჩკომბინატის“ ეზოში სცემეს. ხუთი მოქალაქე მთვრალი იყო. ერთ-ერთი რენტგენის გადაღებისას წამოხტა, შემდეგ ყველა გაიქცა“,-აცხადებს გედენიძე.